Ulttyq bank málimetinshe, elde ınflásıa áli de joǵary deńgeıde bolyp otyr. Qarasha aıynda onyń jyldyq máni 19,6% bolyp, barlyq komponent boıynsha ósken. 

Sarapshylar túrli faktorlardy eskergende bıyl jyldyq ınflásıa 20-21% deńgeıinde qalyptasatynyn, 2023 jyly 11-13%, 2024 jyly 7-9% sheginde bolady dep boljap otyr.

"Bıyl JİÓ-niń ósýi 2-3% sheginde qalyptasyp, keıinnen 2023 jyly 3-4%-ǵa deıin jyldamdaıdy. Bul buryn boljanǵan syrtqy suranystyń álsireýine, munaı óndirýdiń birshama qalypty bolýyna jáne keıde Qazaqstan eksportyn álemdik naryqtarǵa jetkizýde týyndaıtyn problemalarǵa baılanysty. Inflásıa boıynsha boljam táýekelderi geosaıası shıelenistiń saldaryna jáne onyń odan ári damýyna qatysty belgisizdikke, saýdany qurylymdyq qaıta qurý kezeńiniń uzaqtyǵyna, ınflásıalyq kútýdiń joǵary jáne turaqsyz bolýyna, joǵary azyq-túlik ınflásıasynyń saqtalýyna baılanysty"  delingen ulttyq bank aqparatynda.